ಹತ್ತ ಮರ್ಲ್​..!?

ಮುಂಜಾನೆ ಬಂದು, ಸಂಜೆಯಲಿ
ಮರೆಯಾಗುವ ಹಗಲು ನಾನು..
ನಿದ್ದೆಯ ಗೂಡಲಿ, ಮನ ನೆನೆ ನೆನೆಸಿ
ರೆಪ್ಪೆ ತೆರೆಯುತ್ತಲೆ ಮರೆಯಾಗುವ ಕನಸು ನೀನು

================

ಬಿಸಿಲ ಸೆರಗಲ್ಲಿ,
ನೆರಳ ಮುಖವಾಡ.
ತೇವದ ಎದೆ , ಅಳುವ ಕಣ್ಣು,
ಮೋಸದ ಜಗದಲಿ
ನಂಬಿಕೆಯ ನಾಟಕ.
ಗೆಳತಿ,
ನೀನಾದರೂ ಇರಬಾರದಿತ್ತೆ,
ಬಾವ ಬರಿದಾದ ಹೊತ್ತಿನಲಿ.,
ಬದುಕು ಹೇಳಿಕೊಡಲು…..

==============

ಪ್ರೇಮ ಕರ್ಪೂರ ಪುತ್ತಳಿಯ,
ಅಗ್ನಿಯ ಸಿಂಹಾಸನದಲ್ಲಿರಿಸಿ
ಹೊತ್ತಿದ ಬೆಳಕಲ್ಲಿ
ಗೆಳತನವ ಬಯಸಿದವಳು
ನೀನಲ್ಲವೆ …. ಗೆಳತಿ

================

ಸಾಗರ ಸೇರುವ ಧಾವಂತದಲಿ,
ಹರಿವ ನದಿಯಂತೆ,ಪ್ರೀತಿಸಿದೆ ನನ್ನ
ನೀ ಪ್ರೀತಿಸುವ ಪರಿಯ ಸಹಿಸಲಾಗದೆ,
ಕೊಂದು ಬಿಟ್ಟೆ ನಾ ನಿನ್ನೊಲವನ್ನ

===============

ಕಣ್ಗಳಲಿ ಹುಟ್ಟಿ,
ಮಾತಲ್ಲೆ ನಡೆ ಕಲಿತು
ಎದೆಯಾಳವ ಹೊಕ್ಕಿ
ಮನದ ಹುಣ್ಣಾಗಿಸುವ
ಓ.. ಪ್ರೀತಿಯೆ
ನೀ ಮನಗೆ ಬಂದ ಮಾರಿ..

====================